GAZTE MUSIKA TOPAKETAK

Apirilean Gazte Musika topaketak ospatuko dira. Aurten XVI Gazte Musika topaketak ospatuko dira. Bilboko Kafe Antzokian Kurkuluxetan kultur elkarteak antolatutakoak. Helburua gazteen musikarekiko zaletasuna bultzatzea da, eta “saria” – topaketak dira, ez lehiaketa- Kafe Antzokiko oholtzaren gainean aritzea. Aurtengo musikariak toki anitzetatik etorriko dira; izan ere, Arrigorriaga, Basauri, Gernika eta Bilboko zenbait auzotatik hurbildutakoak izango dira. Halaber, era guztietako musikaz gozatzeko aukerarik paregabea izango dugu, erritmo ezberdinak interpretatuz eta musika tresna ezberdinak erabiliz. Beraz, zalantza izpirik gabe baiezta dezakegu topaketa hauek erabat sustraituta eta finkatuta daudela, harrobia musikala daukagulako gure Herrian,…eta kantatzen duen Herria ez da inoiz hilgo!