Behin batean, Olentzero mendira abiatu zenean lan egiteko, istripu bat izan zuen eta kolpe bat buruan hartu zuen. Horren ondorioz, memoria galdu zuen ezer gogoratzen ez zuelarik; ez zekien nor zen, ez zekien non zegoen, nortzuk ziren bere lagunak … ez zekien haur guztiak bere oparien zain zeudela!!
Izan ere, bidez bide, toki ezberdinetara abiatu zen jakin gabe nora zihoan, baina bestetik, hainbat jende eta herri ezagutzeko aukera izan zuen. Txinara, Saharara, Andaluziara eta beste hainbat lekutara iritsi zen bertoko abestiak ikasiz eta hainbat abentura gertatuz.
