Astelehenero eta asteartero umeek asko gozatzen dute antzerki tailerrean. Ikastaroaren helburua ez da aktoreak sortzea baizik eta antzezpenaren gozamena bilatzea, atseginez eszenatokiaren gainean antzeztea. Kurtsoan zehar gai asko lantzen dira: interpretazioa, ahotsa, mugimendua, txotxongiloak egitea, sormena,… Horretarako jolas mota ezberdinak erabiltzen dira:
- Hitzik gabekoak (Pertzepzioa, psikomotrizitatea, objektuak manipulatzea eta espontaneitatea,..)
- Hitzezko jolasak: Helburua mintzamena sustatzea da dramatizazioaren bidez
- Adierazpen dramatikoaren ariketak
- Berotzeko eta desinhibitzeko jokoak (erlaxazioa, arnasketak)
- Sozializazio-jolasak taldea trinkatzeko zenbait lanabes erabiliz: jolas esntsorialak, kolektiboak, etab…
- Espazioa kontrolatzeko jolasak; baita gure mugen nahiz eta ahalmenen kontzientzia gureganatzeko jolas dramatikoak ere.
- Inprobisazioa lantzeko jolasak (bat-bateko hitzezko antzezpenak, keinuen bidez eta objektuekin edo objekturik gabe)
- Jolas musikalak: Erritmoa, mugimendua eta psikomotrizitatea kanduko ditugu zenbait musika tresna edota bestelako elementu ezberdinak eta birziklatuak erabiliz.
- Adierazpen plastikoko jarduerak: Jantzi, mozorro eta hainbat atrezzo erabiliz.
Kurtso bukaeran,Kafe antzokian ospatzen ohi diren TOPAKETETAN , urtean zehar ikasitako eta landutakoa publiko aurrean aurkezteko beta izango dugu. Euskeraz mintzatzeko eta bizitzeko topagune naturala.
Ondo pasatu nahi baduzu, etor zaitez gurekin antzerki egitera!!
